Yurtimizning sharqiy qismi — Andijon viloyatining “Zilol” folklor etnografik xalq ansambli jamoasi o’z chiqishlarini nihoyasiga yetkazgach, mamlakatning eng g‘arbiy qismida yastanib yotgan kengliklar — qoraqalpoq elining jamoasi o‘z folklor namoyishlarini boshlab yuborishdi. Qoraqalpog‘iston Respublikasining “Miras” folklor etnografik xalq ansambli jamoasi o‘zlarining milliy madaniyatiga xos an’analarini aks ettirgan sahnaviy chiqishlari bilan yig‘ilganlarni mamnun etdi. O‘zlarining milliy liboslarida, milliy cholg‘ulari bilan qoraqalpoq ohanglari Padang kengliklarida jarang sochayotir.
— Chiqishimiz biz rejalashtirgandan biroz boshqacha bo‘ldi. Bunga katta sahna hayajoni va havo harorati o‘z ta’sirini ko‘rsatdi, – deydi “Miras” jamoasi a’zosi Bahodir G‘aniyev. — Taxtako‘pir tumanidan Boysunga tashrif buyurdik, ob-havosi, aholining san’atga ishtiyoqi ham boshqacha bo‘lganligidir ehtimol bizni shoshirib qo‘ydi. Lekin ko‘ngildagidek ijro eta oldik deb o‘ylayman.
Xurshid Qarshiyev
