Navbatdagi medal zabt etildi

Sport tanimizni chiniqtiradi, yutuq va muvaffaqiyatga erishishga sabab bo‘ladi, qolaversa, vaqtni mazmunli o‘tkazishga-da xizmat qiladi. Ayniqsa, stol tennisi mavjud tashkilot va idora, sport zallari yoki uyda bo‘ladimi, qo‘lingizga tennis raketkasini olgancha, koptokni sherigingizga irg‘itishga, qaytib kelganini o‘tkazib yubormaslikka tirashasiz. Jismoniy chaqqonlik, ziyraklik va e’tiborlilik bilan ochkolaringiz oshib, tanangizda quvvat, ongu shuuringizda jo‘shqinlik sezasiz. Stol tennisini o‘ynash ana shunday zavqli va qiziqarli mashg‘ulotdir.
Toshkent shahrida stol tennisi boʻyicha bo‘lib o‘tgan O‘zbekiston chempionati ham ana shunday muhim ahamiyat kasb etdi. Ishtirokchilar, g‘oliblikka da’vogarlar murosasiz bellashib, o‘z mahoratlarini namoyish etishdi. Ushbu musobaqada Termiz davlat universiteti sport faoliyati va boshqaruvi fakultetining 5-kurs talabasi Jamshid Choriyev ham ishtirok etdi va faxrli 3-oʻrinni egalladi.