O‘quvchi qishda qanday kiyinishi kerak?

Maktab formasi haqida gap ketsa, ta’lim-tarbiyaga e’tibor kuchaygan bugungidek bir paytda forma masalasida o‘quvchilarga anchayin yengilliklar berildi. Xolbuki, ularga nazar solsangiz, istagan kiyimlarida maktabga kelishayotganining guvohi bo‘lasiz. Ammo, maktab formasi haqidagi talablar hali-hamon o‘z kuchini yo‘qotgan emas. Talab va tartib esa hamma uchun barobar.
Qonunchilikka ko‘ra, ob-havo sharoitidan kelib chiqib, o‘quvchilar maktab formasining nimchasini yoki kostyumini, ko‘ylakning yengi uzun yoki kalta shaklini ixtiyoriy ravishda kiyishlari mumkin. Shuningdek, qishki o‘qish davrida o‘quvchi qizlarga yagona maktab formasiga mos shim kiyishga ruxsat beriladi.