Afg‘onistonga insonparvarlik yordami yuborildi

Qo‘shni davlat Afg‘onistonda bo‘lgan zilzila va uning talafotlaridan xabardormiz. Albatta, jafokash afg‘on xalqi sinovli kunlarni boshidan kechirayotir. Bu holatga esa qo‘shni o‘zbek xalqi, davlati jim qarab turmadi, balki insonparvarlik yordami yubordi.
Insonparvarlik yordami O‘zbekiston Prezidentining Afg‘oniston bo‘yicha maxsus vakili Ismatilla Irgashev boshchiligida yetkazildi. Aytish joizki, yuborilgan yordam yuki tarkibida oziq-ovqat mahsulotlari: un, bug‘doy, yog‘, makaron, go‘sht mahsulotlari, guruch, shakar; chodir va odeyallar, shuningdek birlamchi tibbiy yordam uchun zaruriy barcha vositalar mavjud.
Yordam yuki My Freighter aviakompaniyasining Boeing-747 yuk samolyotida Hirot shahriga yetkazib berildi.