Sherobod tumanida yoshlarning zamonaviy ta’lim olishi va xorijiy tillarni puxta egallashi uchun muhim qadamlardan biri qo‘yildi. Tumanda yangi tashkil etilgan zamonaviy xorijiy tillar o‘quv markazi faoliyat boshladi.
Ochilish marosimida tuman hokimi Usmon Alimov, yoshlar, nuroniylar hamda ta’lim sohasi vakillari ishtirok etdi. Tadbir davomida xorijiy tillarni o‘rganayotgan, xalqaro sertifikatlarga ega bo‘layotgan yoshlarning yutuqlari e’tirof etildi.
Markazda ingliz, koreys va boshqa xorijiy tillar zamonaviy metodika asosida o‘qitilishi rejalashtirilgan. Shuningdek, uzoq hududlardan keladigan o‘quvchilar uchun yotoqxona ham tashkil etilgan.
Mazkur markazning ish boshlashi Sherobodda ta’lim sifatini oshirish, yoshlarning xalqaro imkoniyatlardan samarali foydalanishi hamda kelajakda raqobatbardosh kadrlar safini kengaytirishga xizmat qiladigan muhim loyihalardan biri bo‘ldi.
