Termiz shahrida o‘tkazilgan “Men g‘olib” ommaviy yugurish marafoni vatanparvarlik ruhini mustahkamlash va sog‘lom turmush tarzini keng targ‘ib etishga xizmat qildi.
3 kilometr masofaga tashkil etilgan marafonda 2 ming nafardan ortiq harbiy xizmatchilar, huquqni muhofaza qiluvchi idoralar vakillari hamda sportsevar yoshlar faol qatnashdi. Musobaqa davomida ishtirokchilar jismoniy tayyorgarlik, matonat va g‘alabaga intilish borasida o‘z imkoniyatlarini namoyon etdilar.
Yakuniy natijalarga ko‘ra g‘olib va sovrindorlar medal, diplom hamda pul mukofotlari bilan taqdirlandi.
