Bekorchilikdan illatlar kelib chiqadi, jinoyatlar sodir bo‘ladi. Yomonlik ildiziga bolta urmoqchi bo‘lsak, eng avvalo ishsizlikka barham bermoq shart. Shundan so‘nggina muammolar o‘z-o‘zidan hal bo‘lib boraveradi.
Ayni shu jihatlarni maqsad qilgan Muzrabot tuman IIB Aholi bandligiga ko‘maklashish markazi bilan hamkorlikda mehnat yarmarkasi tashkil etdi. Tumandagi 115 ta korxona va tashkilot esa o‘zlaridagi 1 317 ta bo‘sh ish o‘rini bilan qatnashdi.
Tumandagi ishsiz yoshlar bo‘sh ish o‘rinlari bilan tanishib, o‘zlariga ma’qul kelgan korxona va tashkilotlar bilan yarmarkaning o‘zida shartnoma imzoladi.
S.Normurodova
