Qumqo‘rg‘on tumanida oila-turmush munosabatlari doirasidagi jinoyat va huquqbuzarliklarning oldini olishga qaratilgan “Turmush” keng qamrovli maxsus profilaktik tadbiri davom etmoqda.
Tadbir doirasida nizoli oilalar bilan manzilli suhbatlar o‘tkazilib, oilaviy muammolarni o‘z vaqtida hal etish, tazyiq va zo‘ravonlikning oldini olish, xotin-qizlar hamda bolalar huquqlarini himoya qilishga alohida e’tibor qaratilmoqda.
Shuningdek, oilalarda sog‘lom muhitni shakllantirish, o‘zaro hurmat va mehr-oqibatni mustahkamlash, fuqarolarning huquqiy savodxonligini oshirish bo‘yicha tushuntirish ishlari olib borilmoqda.
Tadbirning asosiy maqsadi — oilaviy nizolarni barvaqt aniqlash va bartaraf etish, jinoyat hamda huquqbuzarliklarning oldini olish orqali oilalarda tinchlik va totuvlikni ta’minlash.
