Maktablar qanday talablarga javob bersa, zamonaviy maktab deyish mumkin? Barcha shart-sharoitlarga egaligi, zarur jihozlar bilan jihozlanganiga e’tibor qaratiladimi yoki zamonaviy metod va uslublardan foydalangan holda ta’lim-tarbiya berilishi asosiy jihat bo‘lib xizmat qilarmikan? Termiz shahridagi 26-sonli umumta’lim maktabida tashkil etilgan seminarda ana shunday savollarga javob toppish mumkin bo‘ldi. Unda 2021-yilda “Zamonaviy maktab”larga qo‘yiladigan talablar asosida baholangan 54 ta maktab reytingi e’lon qilinib, maqom olgan 3 ta maktabga muvofiqlik sertifikati ham topshirildi.
Aytish kerakki, ish bor joyda raqobat, yutuq va kamchiliklar bo‘ladi. Muvaffaqiyat yanada olg‘a intilishga ilhom bersa, kamchiliklar yetarli xulosa chiqarishga undaydi. Shu sababdan ham past natija ko‘rsatgan maktablarni talablarga muvofiqlashtirish bo‘yicha tegishli tavsiyalar berildi.
S.Normurodova
