Termiz tumani hokimi Shuxrat Qalandarov rahbarligida o‘tkazilgan yig‘ilishda kambag‘allikni qisqartirish, yoshlar bandligini ta’minlash, ularning tadbirkorlik tashabbuslarini qo‘llab-quvvatlash va qishloq xo‘jaligi loyihalarini amalga oshirish masalalari muhokama qilindi.
Ish kuni avvalida “Yangi O‘zbekiston” massivi hududida tashkil etilgan ishchi muhokamada hokim o‘rinbosarlari va soha mas’ullarining amalga oshirilgan ishlar, erishilgan natijalar hamda mavjud muammolar yuzasidan hisobotlari tinglandi.
Muhokamalarda oilalarning daromad manbalarini kengaytirish, ishsiz yoshlarni ish bilan ta’minlash, ularni tadbirkorlikka jalb etish va agrar loyihalarni belgilangan muddatlarda amalga oshirishga alohida e’tibor qaratildi.
Mas’ullarga har bir yo‘nalish bo‘yicha aniq reja va natijalar asosida ishlash, mavjud muammolarni o‘z vaqtida bartaraf etish hamda belgilangan vazifalar ijrosini ta’minlash yuzasidan topshiriqlar berildi.
