Prezident qaroriga muvofiq, 2026-yil 1-noyabrdan 2030-yil 1-aprelga qadar energiya tejamkor isitish texnologiyalaridan foydalanadigan issiqxonalarning oktabr–mart oylarida iste’mol qilgan elektr energiyasi xarajatlarining 50 foizi subsidiya sifatida qoplab beriladi.
Shuningdek, issiqxona xo‘jaliklari uchun soliq imtiyozlari va imtiyozli kreditlar joriy etiladi. Yangi “yashil” issiqxona qurish uchun 300 million so‘mgacha, mavjudini qayta jihozlash uchun esa 150 million so‘mgacha kredit ajratiladi.
Toshkent viloyatining belgilangan tumanlarida aholi tomorqalaridagi issiqxonalar uchun quyosh panellari, issiqlik nasoslari va boshqa energiya tejamkor uskunalarni xarid qilish hamda o‘rnatish xarajatlarining 40 foizi, biroq 100 million so‘mdan oshmagan qismi qoplab beriladi.
