Dehqonchilikning ham o‘z qiyinchiliklari bo‘ladi. To‘g‘ri-da, yerga urug‘ qadab unib chiqishi, bo‘y cho‘zib hosil bergunga qadar o‘tgan vaqtning mashaqqati faqat dehqonga ayon. Ekish texnikasi, mas’uliyat bilan qarov ham bilim, tajriba talab etadi.
Yangidan yangi texnologiyalar, usul va uslublar esa hosildorlikning oshishiga xizmat qiladi. Sherobod tumanining “G‘o‘rin-Gilambob” mahallasi “Dilshodbek Nurbek Quvonchbek” fermer xo‘jaligida joriy yil hosili uchun chigit ekish mavsumini qisqa muddatda sifatli o‘tkazish, sog‘lom ko‘chat undirib olish bo‘yicha ko‘rgazmali seminar bo‘lib o‘tdi.
Unda mutaxassislar tomonidan kerakli tavsiyalar berildi. Hosilning barakali bo‘lishini niyat qilgan fermer-dehqonlar jonliq so‘yib, duoga qo‘l ochishdi.
S.Murodova
