Kutubxona misoli nurxona. Ko‘ngillarni, ong-u shuurlarni ma’rifatning nuri ila yoritadi, dunyoqarashni kengaytiradi. Yoshlar keladigan, ma’naviy huzur oladigan makon bu kutubxona. Bugun ham o‘quvchilar mutolaa bilan mashg‘ul. Sevgan asarlari, o‘quv va ilmiy adabiyotlardan o‘qish va uqish jarayoni. Surxondaryo viloyatiga safar qilgan gan Xalq ta’limi vaziri B.Saidov bir guruh hamrohlari bilan Viloyat bolalar kutubxonasiga yo‘li tushdi-yu ko‘zi tushgan holatdan ko‘ngil-u ko‘zi quvondi.
Vazir kutubxonada jahon va o‘zbek adabiyotining o‘lmas durdonalaridan bo‘lmish asarlarni o‘qib-o‘rganayotgan o‘quvchilar bilan suhbatlashib, ularning kelajakdagi orzu-istaklari bilan qiziqdi.
Yoshlarimiz Yangi O‘zbekistonning kelajagi ekanligini ta’kidlab, kelgusidagi o‘qishlariga ulkan muvafaqqiyatlar tiladi.
Hilol
