Har bir yosh kelajakda o‘z oldiga katta maqsadlarni qo‘yib ta’lim-tarbiya oladi. U yoki bu ixtisoslik bo‘yicha o‘qiydi. Bilimlarini amaliyotda sinash uchun ishlaydi, tajriba orttiradi. Albatta, orzu va qiziqishlar maqsadga aylanishi uchun munosib motivatsiya kerak. Ana shundagina maqsadimiz hayotimizning mazmuniga aylanadi. Termiz harbiy prokuraturasi tashabbusi bilan Sariosiyo tumanida joylashgan 68750- va 49543-harbiy qismlar bilan hamkorlikda tumanning olis hududlarida joylashgan 30-, 31-, 32-sonli maktab yoshlari o‘rtasida So‘fiyon madaniyat markazida tashkil etilgan ochiq eshiklar kuni yoshlarga ana shunday motivatsiya bera oldi.
Ochiq eshiklar kunida texnika, qurol-yaroq va jihozlar namoyishi yoshlarga katta qiziqish uyg‘otdi. Aslahalar haqida berilgan ma’lumotlarni barcha qunt ila tingladi. O‘zlarini qiziqtirgan savollar bilan murojaat qilib, harbiy og‘alaridan munosib javob oldilar. Jarayondan katta taassurot olgan yoshlar ko‘zida mamnunlik ifodasi mujassam. Ularning qalbida harbiylik hayoti manzur bo‘lgani, ular ham ayni harbiy akalari kabi Vatan xizmatiga shaylanish istagi yanada ortgani shubhasiz.
Sohibjamol
