Ishsizlik ko‘plab illatlarga debocha bo‘lishi mumkin. Ishsizlik — nochorlikka, kambag‘allikka, imkonsizlikka sabab bo‘ladi. Shuning uchun ham yoshlar bandligini ta’minlash har doim dolzarb muammo sanaladi. Jamiyat hayotida barcha ish bilan band bo‘lsa, yaratuvchanlik, ishbilarmonlik muhiti hukmron bo‘ladi. Yangidan-yangi g‘oyalar, fikrlar, tashabbuslar ham ayni shunday muhitda yaraladi.
Surxondaryo viloyatida yoshlarga oid davlat siyosati sohasidagi ishlar natijadorligi, yoshlar bilan ishlash samaradorligini oshirish, ishsiz yoshlar bandligini taʼminlash maqsadida viloyat hokimi Ulug‘bek Qosimov navbatdagi yoshlar bilan uchrashuvini Jarqo‘rg‘on tumanida o‘tkazdi.
Tuman Madaniyat uyida o‘tkazilgan uchrashuvda yosh avlodning hayotda o‘z o‘rnini topishi uchun munosib sharoit yaratish, ularni har tomonlama qo‘llab-quvvatlash, kasbga yo‘naltirish va bandligini taʼminlash, tashabbuslarini rag‘batlantirish masalalariga eʼtibor qaratildi. Uchrashuv davomida ishsiz yoshlarga 160 ta ish o‘rinlari bo‘yicha sertifikatlar topshirildi.
Sohibjamol
