Issiq jonning isitmasi ob-havoning injiqliklari, qishning izg‘irini-yu, yozning issig‘iga qarab o‘tirmaydi. Ayniqsa, bugungidek anomal sovuqda shifo maskanlarida yetarlicha shart-sharoit yaratish, kerakli issiqlikni ta’minlab berish muhim. Tibbiy xizmat bilan birga yaratilgan shart-sharoit ham bemorning tezda tuzalishiga xizmat qiladi. Surxondaryo viloyat hokimi Ulug‘bek Qosimov Jarqo‘rg‘on tumanidagi o‘rganish ishlarini tuman tibbiyot birlashmasi markaziy shifoxonasi faoliyatini o‘rganish bilan davom ettirdi.
Shifoxonaning infeksion kasalliklar va bolalar bo‘limlarini ko‘zdan kechirib, bemorlar va ularning yaqinlari uchun yaratilgan sharoitlar, isitish tizimining ishlash holatini ko‘zdan kechirdi.
Isitish tizimida aniqlangan muammolarni bartaraf etish, bemorlar va ularning yaqinlari uchun sharoitlar yaratish bo‘yicha mutasaddilarga ko‘rsatmalar berildi.
S.Murodova
