Odatda ish beruvchi malakali, oyoq-qo‘li chaqqon xodimni ishga qabul qilishni istaydi. Nogironligi bo‘lgan shaxslarni ishga olishga kelganda 90-95 foiz holatda rad etiladi. Sababi siz-u bizga ayon. Ammo, nogironligi bo‘lgan shaxslarni ishga qabul qilgan ish beruvchilar uchun yaxshi yangilik e’lon qilindi.
Qanday yangilik ekaniga qiziqayotganlar diqqatiga, endilikda my.gov.uz orqali nogironligi bo‘lgan shaxslarni ishga qabul qilgan ish beruvchilar subsidiya olishlari mumkin.
Arizalar 3 ish kunida ko‘rib chiqiladi. Bunda nogironligi bo‘lgan shaxslarni ishga qabul qilgan ish beruvchilar (byudjet tashkilotlari, davlat korxonalari, ustav jamg‘armasi (kapitali)da davlat ulushi 50 foiz va undan ortiq bo‘lgan yuridik shaxslar bundan mustasno) – har bir xodim uchun 6 oy davomida har oy bazaviy hisoblash miqdorining 1,5 baravari miqdorida subsidiya ajratiladi.
Foyda ko‘rishni niyat qilib, o‘lik jon sifatida ro‘yxat qilishga shoshmang, sababi bandlikka ko‘maklashish markazi ishga qabul qilingan nogironligi bo‘lgan shaxslarning haqiqatan ishlayotganligini monitoring qilib boradi.
Xizmatdan foydalanish mutlaqo bepul, qolaversa, juda oson va qulay.
Hilol
