Liftlardan foydalanish tartibi o‘zgaradi

Date:

O‘zbekistonda liftlardan foydalanish va ularga texnik xizmat ko‘rsatish bo‘yicha yangi tartib joriy etiladi. Vazirlar Mahkamasining 2026-yil 22-oktyabrdagi 588-son qarori bilan tasdiqlangan nizom 2027-yil 1-yanvardan kuchga kiradi.

Yangi tartibga ko‘ra, yo‘lovchi liftlarida qurilish materiallari va chiqindilarini, shuningdek, kabina o‘lchamlariga mos kelmaydigan buyumlarni tashish taqiqlanadi. Portlovchi, tez alangalanuvchi, radioaktiv va o‘ta zaharli moddalarni tashishga ham yo‘l qo‘yilmaydi.

Bino boshqaruvchilari liftlarga har oyda kamida bir marta texnik xizmat ko‘rsatilishini ta’minlashi shart. Liftlarni ro‘yxatdan o‘tkazish, texnik xizmat shartnomalarini rasmiylashtirish va xizmat natijalarini qayd etish «Xavfsiz lift» yagona idoralararo elektron platformasi orqali amalga oshiriladi.

Shuningdek, yangi o‘rnatilgan liftlarga kamida uch yillik kafolat beriladi. Kafolat davrida ta’mirlash va ehtiyot qismlarni almashtirish muddati 15 kundan oshmasligi kerak.

Yangi talablar liftlarning texnik holatini nazorat qilish, ulardan xavfsiz foydalanish va yo‘lovchilar hayoti hamda sog‘lig‘ini muhofaza qilishga qaratilgan.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun