Surxondaryo viloyatidagi 15 ta “Jasorat maktabi”ning chaqiruvga qadar boshlang‘ich tayyorgarlik (ChQBT) va jismoniy tarbiya fani o‘qituvchilari o‘rtasida harbiy hamda jismoniy tayyorgarlik bo‘yicha amaliy sinovlar tashkil etildi.
Sinovlar “Eng namunali Jasorat maktabi” ko‘rik-tanlovi nizomi asosida o‘tkazilib, o‘qituvchilarning kasbiy mahorati, harbiy va jismoniy tayyorgarlik darajasini baholashga qaratildi.
Mazkur bellashuvlar pedagoglarning malakasini oshirish, o‘zaro tajriba almashinuvini rivojlantirish hamda “Jasorat maktablari” faoliyati samaradorligini yanada yuksaltirishga xizmat qiladi.
