Aholi o‘rtasida sog‘lom turmush tarzini ommalashtirish va kundalik jismoniy faollikni rag‘batlantirishga qaratilgan «10 ming qadam piyoda» aksiyasini qayta yo‘lga qo‘yish taklif etilmoqda.
Aksiyani amalga oshirish tartibini belgilovchi nizom loyihasi jamoatchilik muhokamasiga qo‘yildi.
Loyihaga muvofiq, unda 18 yoshdan katta fuqarolar ishtirok etishi mumkin. Buning uchun «Ekofaol fuqaro» platformasida ro‘yxatdan o‘tish va har kuni kamida 10 ming qadam yurish talab etiladi.
Yil yakunlariga ko‘ra, respublika bo‘yicha eng ko‘p qadam bosgan uch nafar ishtirokchi hamda hududiy yetakchilar qimmatbaho sovg‘alar bilan taqdirlanishi nazarda tutilgan.
