Mustaqillikning 35 yilligi munosabati bilan “Surxondaryo suv ta’minoti” AJning yangi ma’muriy binosi foydalanishga topshirildi. Ochilish marosimida “O‘zsuvta’minot” AJ boshqaruvi raisi Ahmad Suvankulov, viloyat hokimi Ulug‘bek Qosimov, soha xodimlari va jamoatchilik vakillari ishtirok etdi.
Qiymati 9 milliard 500 million so‘m bo‘lgan bino 0,5 gektar maydonda joylashgan bo‘lib, uch qavat va yerto‘ladan iborat. Qurilish ishlari olti oyda yakunlangan. Yangi ma’muriy bino suv ta’minoti tizimini boshqarish samaradorligini oshirish va xodimlar uchun munosib mehnat sharoitlarini yaratishga xizmat qiladi.
