Pedagoglar o‘rtasida ilk bor o‘tkazilgan “Yil o‘qituvchisi” tanlovining tuman va shahar bosqichi yakunlanib, Surxondaryo viloyatidan g‘oliblar aniqlandi. Tanlovda hududlardagi pedagoglar o‘zining kasbiy mahorati, bilim va tajribasini namoyish etdi. Yakuniy natijalarga ko‘ra, har bir tuman va shahardan bir nafardan o‘qituvchi g‘oliblikni qo‘lga kiritdi.
Respublika miqyosida 46 ming nafardan ortiq pedagog qatnashgan tanlovda 208 nafar o‘qituvchi tuman va shahar bosqichi g‘olibi bo‘ldi.
Tanlovning asosiy maqsadi — pedagoglarning kasbiy mahoratini rag‘batlantirish, ilg‘or tajribalarni ommalashtirish va ta’lim sifatini oshirishga xizmat qiladigan muhitni kuchaytirish.
