Yangi o‘quv yilining ilk kuni Sho‘rchi tumanidagi umumta’lim maktablarida ezgu tashabbus bilan boshlandi. Tuman hokimi Akbarali Ishmurzoyev tomonidan maktablarga kitoblar topshirildi.
Bu tashabbus bolalarga shunchaki kitob ulashish emas, balki ularni mutolaa, bilim va izlanishga chorlashga qaratilgani bilan ahamiyatlidir. Zero, kitob bilan do‘stlashgan avlodning dunyoqarashi keng, maqsadi ulug‘ bo‘ladi.
Har bir yangi kitob — yangi bilim, yangi fikr va yangi orzular sari ochilgan eshik. Shu ma’noda, o‘quv yilining kitob bilan boshlanishi yoshlar qalbida ilmga mehr uyg‘otib, ularning kelajakdagi yutuqlari uchun mustahkam poydevor yaratadi.
