Bugun mamlakatimizdagi barcha umumta’lim maktablarida 2026/2027-o‘quv yilining boshlanishiga bag‘ishlangan “Birinchi qo‘ng‘iroq” — “Bilimlar kuni” tadbirlari ko‘tarinki kayfiyatda o‘tkazilmoqda. Shu munosabat bilan Termiz davlat universiteti rektori A. Toshqulov Angor tumanidagi 31-sonli umumiy o‘rta ta’lim maktabida bo‘lib, yangi o‘quv yili boshlanishiga bag‘ishlangan bayram tadbirida ishtirok etdi.
Tadbirda O‘zbekiston Respublikasi Prezidenti Shavkat Mirziyoyevning yangi o‘quv yili munosabati bilan yo‘llagan tabrigi o‘qib eshittirildi. Maktabning 1-sinfga ilk bor qadam qo‘ygan o‘quvchilariga “Prezident sovg‘asi” tantanali ravishda topshirildi. A. Toshqulov maktab ostonasiga ilk bor qadam qo‘yayotgan bolajonlarni samimiy muborakbod etib, ularga ilm olish yo‘lidagi ilk qadamlarida omad va muvaffaqiyat tiladi.
Shuningdek, o‘quvchilarni har bir daqiqani g‘animat bilib, sidqidildan bilim olishga, ustozlar sabog‘ini qadrlashga hamda kelajak sari dadil intilishga chorladi.
