Markaziy bank O‘zbekiston Respublikasi davlat mustaqilligining 35 yilligiga bag‘ishlangan oltin va kumushdan tayyorlangan esdalik hamda investitsion tangalarni savdoga chiqardi.
999,9 probali sof oltin yoki kumushdan tayyorlangan tangalarning har biri 31,1 grammni tashkil etadi. Ularda O‘zbekiston Respublikasining davlat ramzlari timsollari aks ettirilgan.
Tangalarni uch donalik kolleksiya to‘plami ko‘rinishida yoki alohida xarid qilish mumkin. Buning uchun tijorat banklarining tegishli filiallariga murojaat qilish lozim.Markaziy bank ma’lumotiga ko‘ra, “Mustaqillikning 35 yilligi” esdalik tangalarining sotuv narxlari tijorat banklari tomonidan alohida e’lon qilinadi.
