2026–2027-o‘quv yilidan boshlab O‘zbekistondagi yana 1 568 ta umumiy o‘rta ta’lim maktabida mezonlarga asoslangan yangi baholash tizimi joriy etiladi.
Ushbu tizim o‘quvchilarning bilim va ko‘nikmalarini aniq mezonlar asosida xolis baholash hamda ta’lim natijalarini muntazam tahlil qilishga xizmat qiladi. Baholash 100 ballik shkala asosida amalga oshiriladi.
Mezonlarga asoslangan baholash tizimi ilk bor 2023-yilda 500 ta maktabda joriy etilgan edi. Keyingi yillarda uning qamrovi bosqichma-bosqich kengaytirildi.
Yangi o‘quv yilida yana 1 568 ta maktabning qo‘shilishi natijasida tizim respublika bo‘yicha 5 mingdan ortiq maktabni qamrab oladi.
