O‘zbekiston Respublikasi davlat mustaqilligining 35 yilligi arafasida Boysun tumanida aholi farovonligini oshirish, iste’mol bozorlarida narxlar barqarorligini ta’minlash hamda fuqarolarga yanada qulay shart-sharoitlar yaratish borasidagi amaliy ishlar izchil davom etmoqda.
Shu munosabat bilan Boysun tumani Ariqusti mahalla fuqarolar yig‘ini hududida, aholi qatnovi gavjum joyda arzonlashtirilgan go‘sht mahsulotlari savdo shoxobchasi faoliyati yo‘lga qo‘yildi.
Yangi savdo shoxobchasida aholini sifatli, yangi va hamyonbop go‘sht mahsulotlari bilan ta’minlash uchun barcha zarur sharoitlar yaratilgan.
Mazkur tashabbus aholining kundalik ehtiyojlarini ta’minlash, oziq-ovqat mahsulotlari narxlari barqarorligini saqlash hamda fuqarolarga qo‘shimcha qulayliklar yaratishga xizmat qiladi.
Mustaqilligimizning qutlug‘ 35 yilligi arafasida amalga oshirilayotgan bunday ezgu tashabbuslar xalqimiz farovonligini oshirish, turmush darajasini yanada yuksaltirish yo‘lidagi muhim amaliy qadamlardandir.
