Fuqarolik — huquqiy maqom

O‘zbekiston Respublikasi davlat mustaqilligining 35 yilligi arafasida yurtimizda yana bir quvonchli va tarixiy voqea — fuqaroligi bo‘lmagan shaxslarning O‘zbekiston Respublikasi fuqaroligiga qabul qilinishi amalga oshirildi.
Prezidentimizning 2026-yil 25-avgustdagi Farmonlariga muvofiq, Surxondaryo viloyatida doimiy istiqomat qiluvchi 90 nafar, jumladan, Termiz tumanidan 4 nafar fuqaroligi bo‘lmagan shaxs O‘zbekiston Respublikasi fuqaroligiga qabul qilindi.
Kuni-kecha Termiz tumani Ichki ishlar bo‘limida o‘tkazilgan tantanali tadbirda yangi fuqarolarga O‘zbekiston Respublikasi fuqarosining identifikatsiya ID-kartalari mas’ullar tomonidan topshirildi.
Fuqarolik — shunchaki huquqiy maqom emas. U insonning Vatan bilan uzviy bog‘liqligini, jamiyat hayotida munosib o‘rin egallashi hamda yurt taqdiri va kelajagiga daxldorligini anglatadi.