Boysun tumanida istiqomat qiluvchi 107 yoshli Jo‘rayeva Menglihol onaxonga Prezidentimizning samimiy tabrigi hamda “Shuhrat” medali va “O‘zbekiston Respublikasi mustaqilligining 35 yilligi” esdalik nishoni tantanali ravishda topshirildi.
Menglihol momo — uzoq yillar qishloq xo‘jaligi sohasida samarali mehnat qilgan, Ikkinchi jahon urushi yillarida front ortida fidokorona mehnat qilgan, hayotini halol mehnat va el-yurt xizmatiga bag‘ishlagan mo‘tabar onaxonlarimizdan biridir.
🌿 37 yillik mehnat faoliyati davomida u g‘allachilik, chorvachilik va bog‘dorchilik sohalarining rivojiga munosib hissa qo‘shdi.
Bugungi kunda 107 yoshli onaxon 12 nafar farzandi, 83 nafar nevarasi, 51 nafar evarasi va 14 nafar chevarasi mehr-muhabbati bag‘rida keksalik gashtini surmoqda.
✨ Hayotini mehnat, sabr-matonat va ezgulikka bag‘ishlagan Menglihol momoning bosib o‘tgan hayot yo‘li yosh avlod uchun haqiqiy ibrat maktabidir.
