Surxondaryo viloyatida yoshlarning zamonaviy bilim va ko‘nikmalarini oshirishga qaratilgan navbatdagi oflayn mashg‘ulot Angor tumani hokimligi binosida sayyor shaklda tashkil etildi.
Unda viloyat Yoshlar ishlari boshqarmasi tomonidan 100 nafardan ziyod yoshlar ishtirok etdi. Mashg‘ulot davomida ishtirokchilarga Termiz shahrida o‘tkazilgan “Media haftalik” hamda “SMM AI Savodxon” o‘quv kursining imkoniyatlari haqida videoroliklar orqali batafsil ma’lumot berildi.
Targ‘ibot ishlari natijasida 35 nafar yosh zamonaviy media va raqamli ko‘nikmalarni egallashga qiziqish bildirib, mazkur kursda ishtirok etish bo‘yicha hamkorlik shartnomalarini imzoladi.
Bunday sayyor mashg‘ulotlar yoshlarni yangi bilim va imkoniyatlar bilan tanishtirish, ularning zamonaviy kasblarga qiziqishini oshirish hamda kelajakdagi faoliyati uchun zarur ko‘nikmalarni shakllantirishga xizmat qilmoqda.
