Shaharlarning me’moriy qiyofasini asrash, jamoat hududlaridan oqilona foydalanish va noqonuniy qurilishlarning oldini olishda jamoatchilik nazorati muhim ahamiyatga ega.
Shu maqsadda “Noqonuniy qurilish” Telegram boti ishga tushirildi. Loyiha noqonuniy qurilishlarga chek qo‘yish va shaharsozlik normalariga rioya etilishini ta’minlashga qaratilgan.
Endilikda fuqarolar ko‘p qavatli uylar atrofida, sport maydonchalari, bolalar o‘yingohlari, yashil hududlar va boshqa jamoat joylarida noqonuniy qurilish holatlariga duch kelsa, maxsus Telegram bot orqali tezkor xabar yuborishi mumkin.
Tashabbus fuqarolarning shahar hayotidagi ishtirokini kuchaytirish, muammoli holatlarni tezkor aniqlash va Toshkentning me’moriy qiyofasini asrashga xizmat qiladi.
