O‘zbekiston Respublikasi Mustaqilligining 35 yilligi arafasida Bojxona boshqarmasida yosh bojxona xodimlarining kitobxonlikka bo‘lgan qiziqishini oshirish, ularning ma’naviy-intellektual salohiyatini yuksaltirish maqsadida kitob yarmarkasi tashkil etildi.
Yarmarkada milliy va jahon adabiyotining sara namunalari, qiziqarli ensiklopediyalar hamda ilmiy-ommabop nashrlar keng namoyish etildi.
Yosh bojxonachilar o‘zlarini qiziqtirgan kitoblarni xarid qilib, bilim va dunyoqarashlarini yanada boyitish imkoniga ega bo‘ldilar.
Bunday tadbirlar yosh xodimlarda mutolaa madaniyatini shakllantirish, kitobga mehr uyg‘otish va ularning intellektual salohiyatini oshirishda muhim ahamiyat kasb etadi.
