Qumqo‘rg‘on tumanining “Elobod” mahallasida xitoylik investorlar tomonidan 5 million dollarlik to‘g‘ridan-to‘g‘ri xorijiy investitsiya hisobidan zamonaviy pishgan g‘isht ishlab chiqarish korxonasi qurilmoqda.
Ayni paytda korxonada qurilish-montaj ishlari jadal davom etmoqda. Ilg‘or texnologiyalar asosida tashkil etiladigan mazkur loyiha qurilish materiallariga bo‘lgan ichki talabni qondirish, mahalliy ishlab chiqarish salohiyatini oshirish va tumanda sanoatni rivojlantirishga xizmat qiladi.
Korxona to‘liq quvvat bilan ishga tushirilgach, 100 nafardan ortiq yangi ish o‘rni yaratilishi kutilmoqda. Bu esa aholi bandligini ta’minlash, daromad manbalarini kengaytirish hamda Qumqo‘rg‘on tumanining ijtimoiy-iqtisodiy rivojiga yangi turtki beradi.
