Xitoyning Sian shahrida erkin kurash bo‘yicha nufuzli xalqaro 2026 China–Central Asia Elite Wrestling Tournament turniri bo‘lib o‘tdi.
Unda yurtimiz sharafini munosib himoya qilgan Jarqo‘rg‘on tumani farzandi Namoz Aburashidov 125 kg vazn toifasida muvaffaqiyatli ishtirok etib, faxrli 2-o‘rinni egalladi.
Polvonimizning ushbu natijasi mag‘lubiyat emas, aksincha, katta g‘alabalar sari tashlangan muhim qadamdir. Ikkinchi o‘rin — uning salohiyati, matonati va yuqori darajadagi musobaqalarda munosib raqobatlasha olishini namoyon etgan natija.
Ishonamizki, bu muvaffaqiyat Namoz Aburashidov uchun yanada katta zafarlar, yangi marralar va g‘alabali odimlar uchun mustahkam debocha bo‘ladi.
