Yo’l harakati qoidalariga rioya qilish inson hayoti va salomatligini asrashning eng muhim shartlaridan biridir. Bir soniyalik ehtiyotsizlik esa bir umrlik afsusga sabab bo’lishi mumkin.
Shu maqsadda Bandixon tumanida yo’l-transport hodisalarining oldini olish hamda haydovchi va piyodalar o’rtasida yo’l harakati madaniyatini yuksaltirishga qaratilgan avtokarvon tadbiri o’tkazildi.
Tadbir davomida fuqarolar yo’l harakati qoidalariga amal qilish, tezlik me’yorini buzmaslik, xavfsizlik kamaridan foydalanish va yo’llarda doimo hushyor hamda mas’uliyatli bo’lishga chaqirildi. Shuningdek, targ’ibot materiallari tarqatilib, hayotiy misollar asosida yo’l xavfsizligining ahamiyati keng targ’ib etildi.
Unutmang, yo’ldagi har bir to’g’ri qaror inson hayotini saqlab qolishi mumkin.
