Kunduzgi jazirama hukm surayotgan kunlarda Sariosiyo tumanida daraxtlar va yashil hududlarni asrash maqsadida sug‘orish ishlari kechki salqin paytlarda olib borilmoqda.
Mutaxassislarning ta’kidlashicha, aynan kechki va tungi sug‘orish namlikning tez bug‘lanishini kamaytirib, daraxtlarning suvni samaraliroq o‘zlashtirishiga yordam beradi. Bu usul o‘simliklarni issiq ta’siridan asrash, yashil hududlarni saqlab qolish va hudud mikroiqlomini barqarorlashtirishda muhim ahamiyat kasb etadi.
Shu tariqa, jazirama kunlarda olib borilayotgan tungi parvarish ishlari tabiatni asrash yo‘lidagi muhim amaliy choralardan biriga aylanmoqda.
