Har bir inson turli qobiliyat va iste’dod bilan dunyoga keladi. Biroq bu qobiliyatlar o‘z-o‘zidan to‘liq namoyon bo‘lib qolmaydi. Inson ularni yuzaga chiqarish uchun harakat qilishi, o‘z ustida tinimsiz ishlashi va imkoniyatlardan to‘g‘ri foydalanishni o‘rganishi lozim.
Iste’dod – bu berilgan imkoniyat, mehnat esa uni haqiqatga aylantiradigan asosiy kuchdir. Agar iste’dod yo‘lni ko‘rsatsa, mehnat uni bosib o‘tishga yordam beradi.
Har bir insonda yashirin salohiyat mavjud. Uni ochish esa shaxsning o‘ziga bog‘liq. Tinimsiz mehnat, tajriba va izlanish iste’dodni shakllantiradi va uni mukammallashtiradi. Shu ma’noda, iste’dod – faqat tug‘ma qobiliyat emas, balki rivojlantiriladigan jarayondir.
Iste’dod turli yo‘nalishlarda namoyon bo‘lishi mumkin. Kimdir ilmda, kimdir san’atda, boshqasi esa texnika yoki tadbirkorlik sohasida o‘zini topadi. Ammo barcha holatda ham muvaffaqiyatning asosida mehnat va intizom yotadi.
Faqat iste’dodning o‘zi yetarli emas. Uni rivojlantirish, amalda sinab ko‘rish va doimiy ravishda sayqallab borish zarur. Shundagina inson o‘z salohiyatini to‘liq namoyon eta oladi.
Hayot yo‘li oson emas. Har bir bosqichda sinovlar, qiyinchiliklar va tanlovlar mavjud. Bunday paytda aynan mehnatga tayangan iste’dod insonni oldinga boshlaydi. Mehnatsevar va izlanadigan inson esa jamiyatda o‘z o‘rnini topadi.
Iste’dodli insonlar ko‘pincha keng dunyoqarashga ega bo‘ladi, lekin ularning ustunligi faqat qobiliyatda emas, balki uni to‘g‘ri ishlata olishidadir. Chunki iste’dod – yo‘l ochadi, mehnat esa uni davom ettiradi.
Iste’dod – imkoniyat, mehnat esa uning kalitidir. Kimki bu ikki omilni uyg‘unlashtira olsa, u albatta, o‘z hayotida va jamiyatda munosib o‘rin egallaydi.
Manija MURODOVA,
TerDU talabasi
