Yo‘l harakati xavfsizligi madaniyatini shakllantirish bugungi kunda yoshlar tarbiyasining muhim yo‘nalishlaridan biri hisoblanadi. Ayniqsa, yo‘llarda xavfsiz harakatlanish ko‘nikmalarini erta yoshdan singdirish kelajakda ko‘plab baxtsiz hodisalarning oldini olishga xizmat qiladi.
Shu maqsadda Surxondaryo viloyatida o‘quvchilarning bilim, chaqqonlik va jamoaviy hamkorligini sinovdan o‘tkazuvchi “Yashil chiroq” tanlovining viloyat bosqichi boshlandi. Unda tuman va shahar bosqichlarida g‘olib bo‘lgan maktab jamoalari ishtirok etmoqda.
Tanlov yoshlar o‘rtasida yo‘l harakati madaniyatini oshirish, xavfsiz harakatlanish ko‘nikmalarini mustahkamlash hamda iqtidorli jamoalarni aniqlashga xizmat qiladi.
