Nogironligi bo‘lgan bolalarni qo‘llab-quvvatlash, ularning mustaqil hayotga tayyorlanishi va jamiyatga muvaffaqiyatli moslashuvi bugungi kunning muhim ijtimoiy vazifalaridan biridir. Bu borada Qumqo‘rg‘on tumanidagi “G‘amxo‘rlik” markazi (Muruvvat uyi)da samarali ishlar amalga oshirilmoqda.
Markazda tarbiyalanuvchilar ta’lim-tarbiya va sog‘lom rivojlanish bilan bir qatorda 10 dan ortiq kasb-hunar yo‘nalishida amaliy ko‘nikmalarni egallamoqda. Mashg‘ulotlar ularning qiziqishi va qobiliyatidan kelib chiqib tashkil etilib, mehnatsevarlik, ijodkorlik va mustaqil hayot ko‘nikmalarini shakllantirishga xizmat qilmoqda.
Shuningdek, bolajonlar mehr bilan tayyorlagan mahsulotlar sotuvi ham yo‘lga qo‘yilgan. Bu tashabbus ularning mehnatini qadrlash, o‘ziga bo‘lgan ishonchini mustahkamlash va jamiyatda munosib o‘rin egallashiga xizmat qilmoqda.
