Milliy gvardiya tomonidan tashkil etilgan “Yosh gvardiyachilar” musobaqasida Uzun tumani 70-umumta’lim maktabi o‘quvchilari yuqori natija qayd etib, faxrli 1-o‘rinni qo‘lga kiritdi.
Musobaqa davomida yoshlar o‘zlarining jismoniy tayyorgarligi, tezkor fikrlashi va jamoaviy hamjihatligini namoyon etib, kuchli raqobat sharoitida yetakchilikni saqlab qoldi. Ushbu yutuq ularning nafaqat bilim darajasi, balki vatanparvarlik ruhidagi tarbiyasi ham yuksak ekanini ko‘rsatdi.
Mazkur natija jamoaga respublika bosqichida ishtirok etish huquqini ham taqdim etdi. Bu esa Uzun tumani yoshlari uchun katta imkoniyat bo‘lib, ularning kelgusidagi muvaffaqiyatlariga zamin yaratadi.
