Muzrabot tumanining kirish qismida barpo etilayotgan “Stela” monumenti qurilish ishlari olib borilmoqda. Mazkur Stela nafaqat tuman timsoli, balki hududning yangilanishi, taraqqiyot sari intilishi va zamonaviy qiyofasini ifodalovchi muhim ramziy obyekt sifatida shakllanmoqda.
Tuman hokimi Abdulla Mamatqulov qurilish ishlarini o‘rganib, olib borilayotgan ishlar bilan yaqindan tanishdi. Jarayonda “Stela”ning har bir detali, uning me’moriy yechimi, bezak elementlari sifati alohida ko‘zdan kechirildi.
Shuningdek, obodonlashtirish ishlari, hududning atrof-muhit dizayni, yashil maydonlar va tungi yoritish tizimlarini uyg‘un holda tashkil etish masalalariga ham alohida urg‘u berildi.
Mazkur “Stela” loyihasi yakuniga yetgach, u tumanga kirib kelayotgan har bir mehmon uchun zamonaviy, o‘ziga xos va iliq taassurot qoldiruvchi ramziy darvoza vazifasini bajaradi.
