Angor tumani hokimi Qosim Mardonov umumiy o‘rta ta’lim maktablarida olib borilayotgan qo‘shimcha o‘quv binolari qurilishi jarayonlarini o‘rgandi.
Dastlab, 23-sonli umumiy o‘rta ta’lim maktabida qo‘shimcha bino qurilishining boshlanish ishlari hamda loyihasi bilan tanishib, mas’ullarga tegishli ko‘rsatmalar berdi. Shuningdek, 40-sonli umumiy o‘rta ta’lim maktabida investisiya dasturi asosida rejalashtirilgan o‘quv binosi loyihasi ko‘rib chiqildi.
Shundan so‘ng, Chinobod mahallasida joylashgan 12-sonli umumiy o‘rta ta’lim maktabida 480 o‘rinli qo‘shimcha o‘quv binosi qurilishining borishi nazorat qilindi. Qurilish ishlarini sifatli va belgilangan muddatlarda amalga oshirish bo‘yicha mas’ullarga topshiriqlar berildi.
