Muzrabot tumani Mehrigiyoh mahallasida 120 o‘rinli yangi davlat maktabgacha ta’lim tashkiloti qurilishi jadal davom etmoqda. Loyihaga jami 5 milliard 520 million so‘m mablag‘ yo‘naltirilgan bo‘lib, qurilish ishlari belgilangan me’yorlar asosida olib borilmoqda.
Hozirga qadar binoning birinchi qavati to‘liq yakunlanib, tom qismiga temir-beton plitalar o‘rnatildi. Ayni paytda ikkinchi qavatni barpo etish ishlari boshlangan. Shuningdek, hududni obodonlashtirish va o‘rash ishlari ham bosqichma-bosqich amalga oshirilmoqda.
Mazkur loyiha foydalanishga topshirilgach, mahalladagi bolalar uchun zamonaviy, qulay va xavfsiz ta’lim muhitini yaratishga xizmat qiladi. Bu esa yosh avlodning sifatli tarbiya va ta’lim olishi, hududda ijtimoiy infratuzilmaning yanada rivojlanishiga muhim hissa qo‘shadi.
