El-yurt birlashib qilgan mehnat — eng barakali va samarali bunyodkorlik asosidir. Qumqo‘rg‘on tumanida hashar yo‘li bilan boshlangan ezgu tashabbuslar bugun amaliy natijalar berib, aholi turmush sharoitini yaxshilashga xizmat qilmoqda.
“Istiqlol” mahallasida aholi vakillari va tuman Suvoqava bo‘limi xodimlari hamkorlikda obodonlashtirish ishlarini uyushqoqlik bilan olib bormoqda. Xususan, 1 kilometr 700 metr uzunlikdagi ichimlik suvi tarmog‘ini tortish ishlari jadal davom etmoqda.
Mazkur loyiha natijasida 30 ta xonadon ilk bor markazlashgan ichimlik suvi bilan ta’minlanadi. Bu esa aholiga katta qulaylik yaratib, ularning kundalik hayot sifatini sezilarli darajada oshiradi.
