Surxondaryo viloyatida Xalqaro ingliz tili olimpiadasi (ELO) viloyat bosqichi boshlandi. Unda hududiy saralashlardan muvaffaqiyatli o‘tgan umumiy o‘rta ta’lim maktablari hamda davlat va nodavlat ta’lim muassasalarining junior va senior yosh toifalaridagi iqtidorli o‘quvchilar qatnashmoqda.
Ishtirokchilar ingliz tilidan nazariy bilim, amaliy ko‘nikma, muloqot madaniyati va tahliliy fikrlash salohiyatini namoyish etmoqda. Olimpiada jarayoni shaffoflik va ochiqlik tamoyillariga amal qilgan holda o‘tkazilmoqda, g‘oliblar esa keyingi bosqichga tavsiya qilinadi.
Mazkur tadbir yoshlarni xalqaro darajada bilim va ko‘nikmalarini rivojlantirishga undab, ularning intellektual salohiyatini oshirishda muhim ahamiyat kasb etadi.
