Transport vaziri o‘rinbosari Jasur Choriyev Magnus Aircraft Zrt. bosh ijrochi direktori Laszlo Boros bilan uchrashdi. Muzokaralar chog‘ida kompaniya tomonidan ishlab chiqarilayotgan Magnus Fusion 212 samolyotlarini O‘zbekistonda ishlab chiqarish imkoniyatlari muhokama etildi.
Magnus Aircraft Zrt. kompozit materiallar asosida innovatsion yengil samolyotlarni loyihalash va ishlab chiqarishga ixtisoslashgan Vengriyaning xalqaro kompaniyasi bo‘lib, uning vakillari AQSH, Xitoy, Keniya, Nigeriya, Serbiya hamda Yaqin Sharq mamlakatlarida faoliyat yuritadi.
Mazkur hamkorlik aviatsiya sanoatini rivojlantirish, yuqori texnologiyalarni jalb etish va mahalliy ishlab chiqarish salohiyatini oshirish nuqtayi nazaridan muhim ahamiyat kasb etadi.
