Termiz shahar Yoshlar ishlari agentligi hamda hamkor tashkilotlar tomonidan otaliqqa olingan va ishsiz yoshlar uchun Termiz tumanidagi “Jahon bozori”ga sayohat hamda sport tadbirlari tashkil etildi.
Tadbir doirasida sog‘lom turmush tarzini targ‘ib etish, do‘stlik va hamkorlikni mustahkamlash maqsadida O‘zbekiston va Afg‘oniston yoshlari ishtirokida futbol va voleybol bo‘yicha do‘stlik musobaqalari o‘tkazildi.
Musobaqalar yakunida g‘olib jamoalar medal va esdalik sovg‘alari bilan taqdirlandi. Tadbir yoshlar o‘rtasida o‘zaro hurmat, hamjihatlik va ijtimoiy faollikni oshirishga xizmat qildi.
