Termiz tumanining “Sabzipoya” mahallasida 10 gektar maydonda 30 ming tup tut ko‘chati ekilib, qator oralaridan samarali foydalanish uchun 20 ta oilaga har biri 50 sotixdan yer maydoni ajratildi. Tadbir Surxondaryo viloyati hokimi Ulug‘bek Qosimov va O‘rmon xo‘jaligi agentligi direktori Erkin Muhitdinov ishtirokida o‘tkazildi.
Loyiha doirasida oilalar yer maydonlarida yeryong‘oq, poliz ekinlari, piyoz va kartoshka yetishtirib, yiliga 50-60 million so‘mgacha qo‘shimcha daromad olishi mumkin. Tashabbus aholining barqaror daromad manbai bilan ta’minlanishi va qishloq xo‘jaligi mahsulotlarini samarali yetishtirishga xizmat qiladi.
