O‘zbekiston Respublikasi Qurolli Kuchlari tashkil etilganining 34 yilligi munosabati bilan harbiy qism va kuch tuzilmalari ishtirokida tantanali hamda namoyishkorona saf yurishi tashkil etildi. Ushbu tadbir mamlakatimiz mudofaa salohiyati va harbiy xizmatchilarimizning yuksak mahoratini keng jamoatchilikka namoyon etdi.
Bayram tadbiri davomida jangovar va maxsus tayyorgarlik elementlari ko‘rgazmali tarzda namoyish etilib, shaxsiy tarkibning yuqori darajadagi jismoniy chiniqqanligi, intizomi hamda kasbiy salohiyati yaqqol ko‘zga tashlandi. Har bir chiqish Qurolli Kuchlarimizning zamonaviy talablarga mosligi va har qanday vazifani sidqidildan bajarishga tayyor ekanini ifodaladi.
Tadbirda yoshlarning faol ishtiroki alohida ahamiyat kasb etdi. Bu esa ularda vatanparvarlik tuyg‘ularini mustahkamlash, milliy armiyamizga bo‘lgan faxr va iftixorni yanada yuksaltirishga xizmat qildi.
Mazkur saf yurishi Qurolli Kuchlarimizning qudrati, yurt tinchligi va osoyishtaligini ta’minlash yo‘lida olib borilayotgan fidokorona xizmatning yorqin ramzi sifatida barchada chuqur taassurot qoldirdi.
