Termiz davlat muhandislik va agrotexnologiyalar universiteti talabalari O‘zbekiston Milliy gvardiyasi huzuridagi Qorabayir otlari mahorat maktabida ikki haftalik bitiruv oldi amaliyotini o‘tadi.
Amaliyot davomida talabalar otchilik va hayvonchilikning zamonaviy tajribalari bilan tanishib, zotdor otlarni parvarishlash, mashq qilish va sog‘ligini nazorat qilish bo‘yicha amaliy bilim va ko‘nikmalarini oshirdi.
Shu bilan birga, Zooinjeneriya, veterinariya va ipakchilik kafedrasi filiali professor-o‘qituvchilari talabalar uchun barcha sharoitlarni yaratib, ilmiy-tadqiqot ishlarini olib bormoqda.
Ushbu amaliyot talabalarga nafaqat kasbiy tajriba, balki otchilik sohasining sir-asrorlarini amalda o‘rganish imkonini beradi. Bu esa kelajakdagi kasbiy yo‘llarida mustahkam poydevor bo‘lib xizmat qiladi.
